За нас

Приказната за компанијата РУДИНЕ ММ започнува во 1989 година, како дистрибутивен центар, воспоставувајќи кооперативни односи со европските брендови, нивен увоз и формирање мрежа за испорака на нови прехранбени производи кои не можеа да се најдат во Македонија.

Во првата деценија РУДИНЕ ММ се докажа како продукт лидер на Македонскиот пазар и стана синоним за квалитет и успех. Како што се развиваше во бизнис секторот, така се зголемуваа и деловните активности.

Во 2006 година РУДИНЕ ММ започнува со ангажирање во агробизнисот.

Во 2008 година отвори млекара. Во 2009 година, млекарата ја пушти во продажба првата македонска гауда - BELLA DONA, по холандски оригинален рецепт во 5 различни вкусови: класичен, пипер, билен, бибер и пастарела. Во млекарата се произведуваат 8 видови на сирење и кашкавал, од кравјо, овчо и козјо млеко. Производите се продаваат на домашниот и регионалниот пазар, а се произведуваат и приватни марки за извоз.

Во 2010 година, фокусот на РУДИНЕ ММ беше насочен кон обнова на производствениот капацитет за IQF овошје и зеленчук во производствениот капацитет, лоциран во Делчево. Инвестирањето во модернизирање на процесот на преработка на овошје и зеленчук сè уште трае.

Во 2013 година РУДИНЕ ММ отвори краварска фарма, со цел млекарата да се снабдува со млеко од сопствено производство.

Денес РУДИНЕ ММ е успешна компанија, целосно насочена кон исполнување на својата визија и постигнување на постоечките и на ново поставените цели, следејќи ги новитетите на современото живеење.